生活座談會：台灣中心俱樂部樂無窮
吳勝治報導

住佇San Diego 的台灣人實在真有福氣，因為有一個台灣中心予咱平時會凍參加各種的活動。其中辦甲上好的是生活座談會。伊﹝它﹞不但予同鄉有一個交誼的場所，嘛予每一個同鄉有機會講出他們的心聲。

佇四月十一日的生活座談會，謝節惠頭一遍講出她私人的祕密：她細漢的時陣上無愛運動，有一遍做伏地挺身的時，她全身直直直倒佇土腳，爬不起來。她讀高中﹝北一女﹞時，體育勉強及格。賽跑算是佧好的，但是佇大隊接力時，她嘛是走最後一名。佇大學的時，伊佮﹝跟﹞愛運動的吳銘賢相識，嘛是只有作他的啦啦隊的份。伊佇結婚後16年才生囡仔﹝孩兒﹞，後來才發現原因：因為伊有貧血。伊自參加台灣中心有氧舞蹈俱樂部以後，身體一直變好，佮猶未﹝尚未﹞參加以前比較，伊今嘛袂輸變成另外一個人。尤其是老師身材好、動作優美，予伊愈愛參加這個運動。

吳昭芳用「潦太鼓、游太鼓」作標題來描寫他學太鼓的過程，是上適當的。因為呣免繳學費，他開始迦伊﹝給它﹞當做一項運動。他才學幾箇﹝個﹞月，倬﹝就﹞發現它的奇妙，便決定「潦」落去。後來愈潦愈深，差一點淹甲袂凍喘氣，只好用「泅」的。泅甲愈﹝越﹞泅愈﹝越﹞有趣味，蛙式、仰式、自由式、還有潛水式，每項攏會。吳昭芳上呵咾教練Diana Wu，講她本人上愛太鼓，佫真認真教。表演隊的成員兼作助教，各國的少年家攏有，查某囡仔美麗大方，查甫囡仔攏英俊飄撇，而且充滿活力佮熱情。吳昭芳也對太鼓做一個簡單的介紹：太鼓是一種打擊樂器，打太鼓的人必遵守規範，予身心完全配合鼓聲。打鼓時鼓聲大開大合，可振奮人心。一般應用佇節目的開場、中場、及尾場，是自古以來大小節目中袂凍無的﹝不能沒有的﹞。

第三個講員洪純仁博士用伊研究學問的精神佮歙相﹝攝影﹞的經驗，準備一套簡單佫好識﹝好懂﹞的方法教咱按怎歙﹝攝﹞全景攝影﹝Panorama Photography﹞。伊認為歙全景攝影比打太鼓佫佧簡單。假使有一台數位攝相機﹝Digital Camera﹞、 歙相動作﹝Action﹞、 縫﹝Stitch﹞，便會凍歙出佮原來的風景仝款的相片。下面欲講的倬﹝就﹞是這個方法：

第一步：歙出一系列的相片用仝款的感光﹝Lock Exposure Setting﹞、仝款的焦矩﹝Focal Length﹞。一般人攏用自動感光﹝AE=Auto Exposure﹞、佮自動焦矩﹝AF=Auto Focus﹞來設定。

第二步：歙出幾張相連的相片，相連的部分有30%到50%互相重疊﹝Overlapping﹞佫包括仝一個明顯的目標。相片系列佫分作二種：水平系列﹝Horizontal Sequence﹞ 佮﹝暨﹞垂直系 列﹝Vertica1Sequence﹞。每一相片系列必須排一直線，這會凍用三腳架仔﹝tripod﹞幫忙。

第三步：縫﹝Stitch﹞相片。軟體有下面幾種：﹝1﹞Window Live Photo Gallery，﹝2﹞Arc Soft：Parorama Maker 4， ﹝3﹞Canon Photo Stitch，﹝4﹞Auto Stitch-2D Parorama﹝Free Demo Software﹞。

最後一位講員是曾俊隆醫師。曾醫師做幾十年的麻醉科醫師，退休後搬來 San Diego， 便一直佮﹝跟﹞台灣中心結緣。伊時常講起：活到老學到老，生活愛有趣味。所以伊儘量參加台灣中心的節目暨俱樂部，親像﹝譬如﹞：高爾夫、跳舞、有氧舞蹈、電腦、卡拉OK俱樂部、暨合唱團﹝歌譜一直攏是伊準備的﹞。最近佫創立古典音樂欣賞、麻將、佮﹝跟﹞園藝俱樂部。其中電腦俱樂部對伊影響上大，也予伊的生活充滿趣味。伊有一台筆記型的電腦，走到叨位帶到叨位，內面有真儕﹝很多﹞寶貝。伊講電腦有真多好處：譬如新聞、相片﹝Picasa﹞、音樂﹝YouTube﹞、奇美博物館網站、和 Wikipedia 網站等。

這擺生活座談會由林怡貞女士主持，郭婉美女士贊助，曾惠貞、莊輝美等女士準備點心，特別感謝。