聖地牙哥台灣中心慶典十一週年
陳義達

台灣人所行的美麗腳蹤留在聖地牙哥，十一年來台灣中心之存在是天賜福氣，當長輩合唱團齊聲吟唱、阮心神真鬆快，指揮陳松美姐所選的詩歌台灣翠青(Taiwan the Formosa)鄭兒玉牧師詩詞：『太平洋西南海邊，美麗島台灣翠青，早前受外邦統治，建國今在出頭天，共和國憲法的基礎、四族群平等相協助、人類文化世界和平，國民向前貢獻才能』。 咱聖地牙哥台灣中心的存在，就是親像詩歌所描寫，台灣賢明眾人群集佇真水大自然的美國聖地牙哥，思念受災苦咱所愛的故鄉台灣美麗島，咱的願望、咱的心神祈望上主保佑使台灣成為自由共和國，藉著台灣共和國對全世界的「和平共存」的打拼，有一日會達成。

第二首是雙人枕頭：『雙人枕頭、若無你、也會孤單，棉被卡厚、若無你、也會畏寒，你是我、你是我、生命的溫泉，也是我靈魂的一半，為著你、什麼艱苦、我嘛不驚，為著你、千斤萬斤、我嘛敢擔。誰人會得代替你的形影、愛你的心、愛你的心、你敢會知影』。當我欣賞長輩會吟唱這首歌，深深體會作者的心境正正是咱每一位長輩的心境，夫婦一生和睦相愛，夫唱婦隨，且相照顧，勉勵扶持是人生的大福氣，我有一位真有名的作家朋友，一生創作令人感嘆的台灣文化e 冊、一生寫作的成就，全然是愛伊e牽手的冥日暗中支持，無怨無不平，伊成做當代台灣文化的先見幫人，總是伊所愛的牽手破病離世，對伊是足大的打擊，愛伊e 後生及新婦e 愛惜嘛未得補足失落牽手e孤單及艱苦心靈。我做第三代基督徒，體會伊孤單的心境及破傷的心靈常常為伊祈禱創造伊生命的主上帝會得醫治伊的心靈，會起來用活潑受醫治的心靈繼續寫作，來突破台灣文化早前受外來政權所受的創傷，映望我這位作家朋友會得心靈醫治隔一擺倚起來做一位醫治受創傷的台灣文化的病的文化醫師是阮所望。

慶祝台灣中心成立十一週年、范少達主任及義工奉獻精神及能力的朋友熱心安排計畫，勞苦操心，會得成做影響社區鄉親生活享受的中心，年年吸引好人材集中、是聖地牙哥的福氣。節目開始，基金會會長陳清池博士渡假不在場，范主任臨機應變，塑造清池兄的學者形的面相相片，代替伊講掛勉勵的話，阮深深感觸雖然是象徵性的小動作，嘛看出每位義工的朋友無私之貢獻實在是土直單純的蕃薯仔的寶貝敢呣是？

咱鄉親笑科大王田土伯編輯e 動人劇情，做火車頭e 范主任，嘛伴演車長的重要角色，佇台灣總統選舉前，人人且相招呼趕去台灣欲將神聖的一票乎真正愛台灣欲真正行民主國家的大願景的謝長廷，蘇貞昌兩位真台灣人，田土伯，田土呣，曾俊隆醫師泰然豪爽踏入選舉家已意愛的人做總統的迫切心聲，確實打動在座鄉親的心靈真深刻，黃宗川兄外國紳士高大的鼻及滿黑的嘴啾有 Chhoa 李文惠欲去台灣助選，非常傑出的形象、實在動人心弦。

台灣鄉親群集會成做極大的力量，歌唱家蔡滿霞姐優美歌頌、實在乎阮心靈融化，她所選e 詩曲（台灣百合，鄭智仁）：『隨風雨落土佇這片天，日出日落直輪迴，Formosa 野百合真正美，蓬萊寶島才有伊，伊隨風雨落土佇這片天，日出日落迶輪迴』。親像詩歌描寫野百合雖隨風吹來吹去，終久嘛落佇台灣這土地頂面，繼續生傳(Thoa)代代佇風雨中繼續活落去，實在詩人所講實實在在，蕃薯仔台灣人雖偏散世界各國漂流，總是心神思念所愛Formosa故鄉，心理才會得真正安穩自在。

第二曲詩歌按呢講：『純白花蕊，親像母親的愛，永遠抱著疼痛的心，春去春又來，花謝花又開，永遠編織著美麗的夢』。野百合的生命佇适時适地開花結果實，佇台灣阿母愛疼抱惜中日日成長，一代格一代無停流傳落去、雖花有謝去總是會格醒繼續無停生足水的花，乎人人欣賞，乎人作詩朗曲，描寫人人所愛的台灣和平、仁愛、公義，真正民主自由自在活落去的真水的夢。

滿霞姐一首接一首吟唱，人人靜靜聆聽，佇半光線的燈下優美歌聲，一片寂靜，她格唱飲酒歌（Berdi　威爾弟作）：『朋友們，過來吧，大家來乾杯，高舉起這杯葡萄酒，為了甜美的青春和愛情一起來乾杯吧。莫讓光陰空虛度，莫忘青春不再來。我心充滿熱情和歡喜，煩悶已經都拋去』。作詩曲者，雖然藉酒之興奮，陶醉在愛情之美夢情調裡，但也在動解年青力壯時期，當寶惜抱握住青春最美佳期，好好寶惜 免空過一生可享受人生如天堂般美妙愛情的良好時期。

一位充實的人生，有喜有悲，有愛情、有奮鬥及成功的經歷，看看名宗教聖樂家Handel韓德爾，也曾有憂傷痛哭的時候，他說: 讓我痛哭吧，多盼望自由來臨，我難以擺脫這樣的痛苦，沒人同情，讓我痛哭吧？是自由是人人所祈望的，咱生作蕃薯仔，台灣嘛無例外趕呣是？

<註解>陳松美姐所選擇詩歌台灣翠青詩詞人鄭兒玉牧師是位人人所尊敬的台南神學院的台灣研究所長，資深台灣前途的開導良師，台灣長老教會在台灣以中華民國失落聯合國的席位前後所發聲明，我們的呼籲國是聲明都是有心的台灣啟明者鄭兒玉牧師高俊明牧師，當議長張清溪牧師等及暗中打拼擬稿台灣基督徒見証 者成為統治者國民黨的眼中釘，高俊明牧師被關押監獄四年多，雖名為藏施明德先生，但國民黨早就想扣押為台灣講誠實的話的眾牧者。鄭牧師是其中一位愛台灣e 牧者。隨刻冒生命之危險為公義、真理、仁愛講話的可敬的80外歲的長輩伊是潘富鵬兄牽手鄭秀蘭姐e 親阿叔。