按怎使危機滿滿無平安的世界成做平安？
陳義達

咱逐(每)日對各種新聞、電視、電腦媒介所報導的消息有真儕(多)無平安的消息。媒介亦趁機會 ”惟恐天下不亂”的原則，大篇報導互(使)人驚惶無平安的消息。

佇(在)聖誕節全世界慶祝 “平安冥”的時刻，人人卡愛聽好消息，嘛家家戶戶卡愛講掛(一些)祝福的好消息。

阿公阿媽及囝孫圍繞逗陣，攏祈望天賜福囝孫，代代昌盛萬年平安富貴，年年有好年冬敢不是？

平安萬年富貴，身體康健會得長壽是人人所意愛，總是咱今仔日所倚起的世界常常受黑暗的權勢控制，特權階級無人道的政治及經濟操縱人物處處糟蹋人權，殘殺無辜，世界成做格卡無平安！

咱大家深信造物主上帝創造人類生命的主宰，一定無愛人人活佇無平安無公義黑暗無呣(仰)望中來過日子！

CNN新聞報導驚人恐怖的消息：”佇聖誕佳日暴力份子凱達 (Al-Qaeda) 炸美機” Northwest Airline受凱達命令企圖炸毀班機。當班機降落佇Detroit時有引起小型爆炸。嫌犯向調查人員表達受令破壞班機的計劃。佳哉(幸好)有兩名乘客有警覺嫌犯怪動作，即時跳佇伊身上制伏，免得大災難臨到飛機爆炸。機上278名乘客差一點仔就喪失生命。

咱活佇世間常常看著極端恐怖份子受惡霸政治及宗教領袖來左右，破壞人類和平相處照顧世界，使人人自由，活得有民主的生活。大家打拼相愛疼，來建設格卡水(美麗)的世界無受損害！

可嘆世界歷史上有獨裁如德國希特勒權勢惡霸，殺滅六百萬猶太人，中共毛澤東的手下”以文化革命”美名殺死家己(自己)無辜中國人超過千萬。無惡不作的罪性到今仔日，咱有看著會警覺中共使用「和平崛起」霸氣外交手段佇亞洲所表現的每項怪動作。請看中共及日本外交關係？霸氣滿滿！中共及中國國民黨中間曖昧關係，不難可嗅到「霸氣外交」敢呣是？

美國總統歐巴馬近日欲訪問中共，亦將得Nobel Prize ， 和人權領袖達賴喇嘛會面時間延長，到底是啥原因？

咱大家冷靜來想，欲使(互)世界和平相處生命共同體有尊嚴，起碼所需要解決打拼的問題佇刀位(在那裡)？
(一)當環境氣候大變化中，人類必須嚴肅參商解決”環保問題”生命共同體的世間按怎積極愛惜照顧？
(二)做出有效「和平相處」方案，有效制定無限制製造破壞性武器野心的霸性國家。
(三)公平、公義以真理作基礎大大改革現今受霸權國家控制操縱的聯合國機構，努力使「生命共同體」世界卡安全平安。
(四)人類欲望是無底深坑，富有的人愈富有，散香(貧窮)的人愈散香，佇世界金融大危機中按怎解決？
- 今日仔褲袋內滿有金錢財寶的人肯奉獻來解決金融危機？
- 善好的法律制定稅務調節必須性，使富有有機會建設有利人類的社會福利事工，福益千萬散香無依靠的人。
(五)心靈的大改革的必須性

人類生命短暫，活得有尊嚴有活潑生命觀，比有千萬富翁心靈缺乏，肉體雖然有活，其實心靈空虛，人生失去真正意義。人雖知影(知道)活佇世間無久，但貪婪不底深坑欲望，只有慈善宗教機構，會解決人心靈更新的問題。人類生命共同體一點一滴愛心的一切舉動，使咱所倚起的生命共同體格卡成做平安滿有愛心快樂的所在。

祝大家聖誕恭喜，新年平安福氣滿滿！！