慶賀 Ralph先生91歲生日
陳義達

俗語講「姻緣是天註定」我及牽手淑貞生活世間逗陣超過45年。雖然奔跑40外年北美洲，心內思念咱故鄉台灣民主日日成熟發展。十外年前有負擔的台灣鄉親愛心奉獻金錢及才能來建設屬咱家己大家庭台灣中心。

優秀台灣學者群集的聖地雅歌，每一瞬間就吸引儕儕遊客渡假。海內外鄉親清清楚楚看出那無來美國聖地雅歌就姆知影美國，是人間的天堂敢姆是？

雖然人生禍福是天註定，總是親切恩愛的友誼是咱做人所期望。今仔日鄉親李文惠經歷人生喜怒哀樂奇異生活，不在她家己選擇好選擇冒險人生，痛心離別薄情翁婿。天看著她流離失守，伸出憐憫導 Job Lunar老先生來教導安慰，亦師亦老兄看顧指示，無人知文惠心內深處，天早就看她心靈痛苦，佛教敬虔信仰的生父所行信心腳跡，基督教信仰儕儕信徒包圍文惠的一生。經歷痛苦人生有批評嘛有安慰鼓勵的聲。當她愛心照顧多病的Lunar老先生，別世前的十年享受文惠冥日關愛照顧。雖然伊離開人世，總是留佇世間鄉親所深深會得思念的「美國歐地參」。人間所發生儕儕奇事，我稱做「群集的每一瞬間」成做可愛的歷史。

一月二十二日是美國事業家Ralph先生91歲大生日。有豐富照顧老人經驗的文惠，無惜精神及時間，歡迎鄉親到她厝內慶祝Ralph先生的大生日。受請來參加伊生日的囝囝孫孫四代十外人穿滿福紅袍的Ralph先生，將近百人的台灣鄉親藉著彈琴朗誦及合唱慶賀伊會得活到今仔日。大家相佮歡喜來參加伊壽宴。聲音豪亮意大利歌唱家Daniel先生歌頌響徹感人肺腑的讚揚歌聲，和聲美妙起起赴赴是吟頌兼詩曲與主持人洪瑞真女士，合聲讚揚和聲共鳴使人心神全然釋放。

台灣中心長輩會指揮陳松美姐盡心訓練優秀退休學者歌頌祝賀Ralph先生，靜靜聆聽歌聲的Ralph先生感動兩眼目屎流未停，Opera 的優雅歌唱蔡滿霞姐的歌聲震動全場。

彈琴及瑟奏樂的李清老師，主人文惠飄飄如天使由樓上飛舞隨著琴瑟美妙聲音又跳又舞，美妙絕境令人感動。

歌唱家Daniel先生的響徹歌聲，做客來加州渡假咱們夫婦，我禁不住陪著伊感人歌大膽起來，我特請陳松美姐彈琴，我大聲歌頌“How Great Thou ART”上帝啊真偉大的讚歌祝賀Ralph先生。絕妙手風琴專家王忠醫師亦彈亦跳，祝賀Ralph先生亦笑亦流目屎感動愛伊台灣鄉親。

主持人曾俊隆博士請西方寺依宣法師短講祝福Ralph先生「萬壽無疆」祈望伊福滿擱加添歲壽。台灣基督教會石信迪牧師懇切的禱告，求創造生命的主宰上帝大大祝福伊所剩的人生。滿桌山珍海味豐富的菜蔬，鄉親早就看清楚流口水腹肚，隨心所愛揀家己所意愛的食物，盤盤輪流選擇白酒紅酒，大生日雞卵糕，人人有吃有開講。醫師兼攝影家一張佮一張攝精采的相片，陳碧惠姐嘛未輸一張一張拍照，每一刻鄉親逗陣談天說地。老友吳得民王錦霞笑哈哈欣賞每境感人表演。台灣中心實在享受蕃薯仔大家庭敢姆是？

關愛台灣民主自由前途，憂喜參雜鄉親愛台灣前途的心境？咱是蕃薯仔囝孫實在無愛看惡毒政客野心滿滿，想孔想欲將台灣賣互無民主無民權的中共。佳在有清明頭腦有智慧群集聖地雅歌鄉親知影台灣該走的方向，加入UN 及WHO是必然的結果。今仔日立委雖受惡毒媒體欺騙暫時惡臭，倘有贏總統的選舉是全體台灣鄉親選互民進黨的謝長廷先生，絕對選贏當總統是咱的心願！

今仔日藉著Ralph先生大生日慶賀，人人會得享受鄉親恩情，阮倚起聖地雅歌20外年，退休去加拿大有10年，總是深深無未記得可愛聖地雅歌台灣鄉親渡假來大家庭台灣中心是阮一生福氣！

會散後中心主任范少達兄感人肺腑的Karaoke唱格唱，劉福權兄、 Teresa 及 Tony鄉親不斷歌唱。卡拉OK夢佇蕃薯仔恩情思念台灣故鄉心情，祈願咱台灣有真真正正民主自由和平恩愛貢獻全世界的一日。