台灣驚奇豔麗之行
陳瑞祥

俗語說：看戲著看亂彈，吃肉著食三層。這遍轉去台灣真好運有聽到亂彈ma有吃著三層。已經有足足10冬沒轉去台灣，朋友毌知iau會記得gau嘸？就E - Mail 給朋友：「阿浡gua這回轉去，時間有限，無法度去台南探汝，汝甘會當約幾e 朋友佇台中見面」，隔日回答曰：「gua了解」，又過五日E - Mail予(hoo) gua曰：「己經約幾e老朋友，佇汝轉來hti拜一中晝(tau3)，蹛台中全國飯店三樓餐館見面」，台灣人有情有義。

我知影台灣ma有騙、偷、搶等等三角六曲(khiau)的代誌，毌ko這遍轉去台灣，親像去一趟(choa)天堂，按怎曰 lah！這遍轉去台灣遇到e， 攏係台灣人e 好品行，台灣人照顧出外人，對人謙誠，有熱熱e人情味，對朋友有情有義，長輩關懷序小，對自己勤儉對朋友慷慨，等等e好品行。                      

這遍轉去台灣，主要目的是轉去參加僑務委員會佇台北所辦e 「台語教師研習會」。gau 一(cht)出桃園機場就坐國光號去台中五叔兜(tau)，到台中五叔e厝已經半暝 12點，五叔、五嬸等gau到位，給gau安排好勢，二位80歳e 長輩才去睏。隔日敲電話予佇台南e叔伯兄哥，甲伊會失禮，因為需要去台北上課，無法度轉去台南看汝，伊說 ：「伊了解，好好享受旅途」，然後佮五嬸說電話，說完五嬸對我說，伊曰  :「五嬸，阿祥交代予汝，請汝好好款待伊」，足感心。惦五叔兜兩曰半，食得佇美國思念真久e 荔枝kah釋迦，荔枝芳，釋迦甜，有食又(ko)有抓 (liah)又有紅包，給gau款待得真舒適。拜一中午前告別五叔、五嬸，去會見約在全國飯店三樓餐廳e 老朋友，佮老朋友敘舊講新，談天說地，人生一大享受，食飯飽後欲去一樓咖啡廳飲咖啡，可惜咖啡廳客滿，只好惦佇大廳開講，開講到三點，已經是去台北報到的時陣，這時只好真毌感e 來向老朋友相辭，大家說欲送gua到往高鐵車站e巴士站，一(cht)路阿誠堅持愛欲(beh)提gau e行李箱，伊說：這e 機會伊已經等10冬魯(loo) 。

高鐵站真清氣，車廂ma真整齊，台中站到台北站只有45分鐘就到。真順事來到會場向台灣母語聯盟e 芳玲祕書長報到，台灣母語聯盟負責安排這遍教學課程，上課的教師哪毋是大學教授就是專長人士，同窗中間人才濟濟，台灣母語聯盟e 何信翰理事長常來關心。9月11號學員去新北市重陽國小觀摩台語教學，gau參加中年級這(cht)班，教學唐老師年輕、有自信，hit日教e 是「台灣傳統節日」，了後討論會gau e 感想是侒呢，「 老師教課真詳細，學生上課真專心，學員觀摩有虔誠，攝影e 郎上認真」。芳玲老師早晚照顧阮傢學員太倦，得到(tio)皮蛇，猶久(iau-ko）看頭看尾到結束，真感心。         

有(u3) 同窗佇校園失(pang)去冊包，兩點鐘後才佇路邊找到，冊包裡面e 物件攏無失(pang)去，gau ma是在車站打無去行旅袋，如(na)無打無去行旅袋to毋知台灣人如此可愛。打無去行旅袋三日後，敲電話予車站的「失物招領處」，in說有人撿到gau所形容e行旅袋，gau就去領伊，領得一檢查，每一項物件攏無失(pang)去，裡面有護照、現金（有台票ma有美金）佮欲送給朋友的禮物，一件攏無失(pang)去，毋是講「漫畫(mang-gah)」，是「金ㄟ」，感謝台灣這遍土地kab感謝可愛的台灣人。                                                                        

這遍ma有佮久久無見e 潘博士，潘夫人，潘博士e 姊姊kah三個小朋友作夥食飯，gau佇台北上課無法度去新竹探訪in，in卻一家來台北請gau食飯，真感謝潘博士一家e誠意款待。      

欲轉來美國hit一日，去Kab蹛台北作齒科醫的叔伯兄哥相辭，伊三遍問我干有需要旅費，我隴Ka伊說毋免，幾冬前我的爸母去予伊作啄齒，無拿錢ko包紅包予in。佮叔伯兄哥相辭了後，坐捷運去台北車站，佇車站問服務人員，按怎去客運車站，通坐國光號去桃園機場。te問e 時，邊子一個美眉問我是不是需要伊導路，gua問伊是不是有時間導我去，伊說：伊有時間，伊佮朋友約佇此見面，伊ka早到，gua ko甲伊曰：ko kha重要的是汝干(kam)知路，伊曰：伊行過，按呢就拜託好心e美眉導路，伊導我tui 5號出口出去，大概走15分鐘才到位，這中間問兩遍路，佇路中讀碩士班，好心e 秀珍美眉問我佇美國生活是不是攏說英語，gua曰大部分曰台語，伊侒尼回答：「這樣喁，講台語」，一路伊佮gua攏用華語對話，到位e時gua問伊是讀蝦米碩士班，伊回答 ：「台語文碩士班」，買票了後gua想欲問伊，「汝歸路攏說華語，汝到底會曉(hiau)說台語嘸？」，想欲問e 時，這時抵好看到往桃園機場e 國光號已經停佇站內ta等gua，就趕緊ka好心e秀珍美眉感謝ko相辭，緊緊peh去裡國光號，「秀珍美眉到底會曉說台語嘸？」成作這遍轉去台灣e 世紀大疑問。                                                                           

這遍轉去台灣，受到親戚朋友的好款待，ko一遍感受得台灣人熱熱e人情味，親身享受台灣高鐵以及台北捷運e 一流服務佮一等建設，ko發現台灣有這昵濟人，為台語文e 擴展te打拼，行旅袋失(pang)去ko找回，發現台灣人是世界一流的國民，是一趟(choa) 驚奇ko豔麗e體驗。